發夢有益身心。對身處艱苦絕望的社會，過著顛沛流離的生活的人們，美夢尤勝荒漠甘泉。一場午後小夢，夢理想生活。只談故事背景，情節讓看倌們自行想像：
年紀：約29歲
工作：車書編輯，五天工作週，公司業務穩定，不太忙也不太閒，有前輩有後輩，附近多小型食肆可以諗去邊食lunch，有公司parking，但唔中意開車果陣搭一程巴士都到。
月薪約$15000 – $18000(唔要咁高必要時可以劈砲搵過份)，每年有十八至二十多日大假，每年可大概三次於旅遊淡季去渡假；工作檯視線範圍望到窗可以發白日夢，首選海景或山景，次選為悠閒內街。
家庭：未婚，父母退休，家中有阿哥家姐做醫生/律師等並已成家生子，充分滿足到父母在物質、家庭責任及虛榮心各方面的需要。一個月大概同父母食兩三次飯。
住所：自置，位處舊區，樓齡三十(或有parking村屋亦可)，單位細細地，後面有條行山徑，步行距離內有康文署圖書館及體育館，於樓市低迷時以$90萬買入，家人借出3成首期及裝修(現已還清)，而家月供加埋管理費先係$3000左右，有大書櫃容書。間唔中會在內煮食。
車：錢七一輛，車型為BMW 325i E30 / Toyota MR2 AW11 / Suzuki Jimny / Toyota Liteace / Honda CRX EF7 / Volkswagen Golf Mk II Cabrio其一，車齡廿多年但機件保養良好又慳油。屋企附近間士多老闆經營既私家非法停車場，每月五舊。
學野：去嶺南讀「文化研究」，導師們不拘小節並對學生無要求，每星期六駕車上課有效遊味道，增加靈感，求學理想土壤也。每年學一樣運動。
經濟狀況：有點積蓄但不太多，慳慳地夠咬半年。
感情：與一名舊同學/同事噯昧，她仍與男友一起，自己則會去屋企附近間吧同稔熟拳手飲酒仲過埋夜。
兼職：同工聯及女青等掛單做兼職導師，教下業餘進修中心成人英文入門班。時薪約$200勝在中意就教下唔中意就唔教。
朋友：有friend結婚有friend生仔但係單身仲係多數。仲約到人出來打下波，宵下夜，歎杯咖啡傾一晝，一班人小則食飯聚舊，大則出國旅遊，一樂也。
聚言堂@陳家詞 